Қарағанды тұрғындары коммуналдық қазған жолға шағымданды

2 Қыркүйек, 201916:23

2 қыркүйекте, бірінші оқу күнінде №101 мектеп-лицейінің оқушылары білім алу жолында қиындықтарға тап болды. Оқушылардың ата-аналары білім беру ұйымына жол жөнделмегеніне шағымданды.

Шағымға "Теплотранзит Қарағанды" ЖШС жауап берді. Баспасөз қызметі бұл учаскеде жөндеу жұмыстары жүргізілетінін айтты:
"Жөндеу науқаны аясында аталған учаскеде Гүлдер1 және Гүлдер2 шағын аудандарын жылумен жабдықтау сапасын жақсарту үшін үлкен жұмыс көлемі жоспарланған. Бүгінгі таңда мұнда құбырлардың диаметрін кеңейте отырып, жылу желілерін қайта құру жүріп жатыр. Қазіргі уақытта ұзындығы 200 метр және диаметрі 530 мм жылу желісін қайта құру бойынша жұмыстар жүргізілуде", - деп хабарлады"Теплотранзит Қарағанды" ЖШС.
Жұмыс 20 қыркүйекке дейін аяқталады. Сондай-ақ, компания фотосуретте көрсетілген қазу орны жаяу жүргіншілерге арналған тротуар емес екенін атап өтті.