Қарағанды облысындағы көшелерді, аулалар мен шатырларды қардан тазарту үшін сенбіліктер өткізу жоспарлануда

"Елді мекендердің кіреберістерін, сондай-ақ көшелерді, аулаларды, ғимараттардың шатырларын қардан тазарту қажет. Су өткізгіштердің күйін тексеріңіз. Қорғаныс бөгеттерін күшейтіңіз. Яғни, су тасқыны кезеңінен аман – есен өтуге мүмкіндік беретін барлық іс-шараларды өткізу керек", - деді облыс әкімі Нұрмұхамбет Әбдібеков аппараттық кеңесте.

9 және 16 наурызда аумақтарды қардан тазарту үшін жалпы облыстық сенбіліктер жоспарлануда.

Өңір басшысы кәсіпорындар мен жеке құрылымдардың техникасын тартуды тапсырды.

3 наурыздан бастап өңірде жоғары дайындық режимі жұмыс істейді, деп атап өтті Нұрмұхамбет Әбдібеков. Тек Осакаров ауданында ауылдардан шамамен 25 текше метр қар шығарылды.

Су тасқынына тағы қалай дайындалып жатқаны туралы облыстық ТЖД бастығы Ибрагим Күлшімбаев баяндады.

Өзендердің жоғарғы ағысында рейдтер жүргізілуде. Облыстың ірі су қоймаларында – Самарқанд, Шерубай-Нұра және басқаларында су төгіле бастады.

Жағдай ғарыштан бақыланады. "1 наурыздан бастап облыс аумағында қар жамылғысы мен тасқын сулардың өтуін бақылау үшін тәулігіне екі рет ғарыштық түсірілім ұсынылады", - деді ТЖД басшысы.

Апат болған жағдайда, егер үлкен су адамдарға қауіп төндірсе, облыста 170-тен астам эвакуациялық пункт дайындалды.