Қарағанды облысындағы рельстердің зақымдануы туралы ҚТЖ жауап берді

"ҚТЖ-Жүк тасымалы" АҚ Қарағанды бөлімшесінің "Қызылжар - Жаңаарқа" темір жол учаскесінің рзд-157 - Атасу аралығының 151 шақырымында локомотивтің ақаулығы себебінен салмағы 2 400 тоннадан асатын, 69 тиелген вагоннан тұратын №3003 жүк пойызы тоқтады. Осыған байланысты аралықтың осы учаскесіндегі рельстер бүлінген", - делінген ҚТЖ хабарламасында.

"ҚТЖ - Жүк тасымалы" АҚ Қозғалыс қауіпсіздігі департаментінің бас менеджері Зинченконың айтуынша, локомотив бригадасы туындаған жағдай туралы поезд диспетчеріне жедел хабарлаған. Ол жол шаруашылығы қызметкерлері осы учаскедегі рельстерді ауыстыра отырып, теміржол төсемін дереу қалпына келтіргенін атап өтті.

Белгілі болғандай, локомотивтің ақаулығы жойылғаннан кейін пойыз аралықтан жіберілді. Пойыздардың қозғалыс кестесінде үзілістерге жол берілмеді.