Жеткізілімнің бұзылуы пациенттерді тегін дәрі — дәрмектерден айырды-Смайылов

Фото: жоғары аудиторлық палатаның баспасөз қызметі

6 Маусым, 202514:45 BAQ.KZ

Жоғары аудиторлық палатаның төрағасы Әлихан Смайылов 2024 және 2025 жылдардағы аудит қорытындыларын айтып, дәрі-дәрмекпен қамтамасыз етудің бұзылғанын мәлімдеді, деп хабарлайды BAQ.KZ.

Оның айтуынша, 2022-2024 жылдары бірыңғай дистрибьютор 207 сатып алуды кешіктірді және амбулаториялық көмек аясында 164 препарат сатып алмады.

Тақырып бойынша сілтемелер5 МаусымДәрі дәрмектерді цифрлық таңбалау жүйесі қалай жұмыс істейді Қарағанды емханаларының бірінде тексерілді

"Бірқатар дәрі - дәрмектер ай сайынғы кестенің орнына тоқсан сайын жеткізілді, бұл тапшылықты тудырды және пациенттерді дәрі-дәрмектерді өз есебінен сатып алуға мәжбүр етті", - деді Смайылов Мәжілістің жалпы отырысында.

Ол сондай-ақ қолданыстағы сараптама, тіркеу және қадағалау тәртібіндегі олқылықтарды атап өтті. 2024 жылы сараптаманың орташа мерзімі 210 күндік нормативпен 334 күнді құрады. Кейбір жағдайларда ұзақтығы 2,5 жылға дейін созылды.

Аудиторлар сонымен қатар фармакологиялық қадағалау құралдары тиімсіз жұмыс істейді деп санайды: үш жыл ішінде жанама әсерлер туралы сегіз мыңға жуық хабарламаның ішінен бір ғана препарат айналымнан алынды.

"2024 жылы препараттардың тек тоғыз пайызы өндірушілерден тікелей сатып алынды. Сондай-ақ, дистрибьютор жүйелі түрде "СТ-KZ" сертификатынсыз дәрі-дәрмектерді сатып алды, бұл үш жыл ішінде 258 млрд теңгені құрады.

Логистикаға жұмсалған шығындар 3 жылда 60 пайызға өсіп, 2024 жылы 11 млрд теңгені құрады. Бұл дәрі-дәрмектің өзіндік құнына да әсер етеді", - деді Смайылов.

Сонымен қатар, аудит жарамдылық мерзімі өткен препараттарды босатудың 67 мыңнан астам жағдайын анықтады, бұл олардың жарамсыздығына және қаражатты тиімсіз пайдалануға әкелді. Сондай-ақ, дәрі-дәрмектерді қажеттіліктен тыс тағайындау немесе емдеу хаттамаларында көзделмеген фактілер тіркелді.