Қарағандылықтарды тегін тілдік курстардан өтуге шақырады

Сурет: gov.kz

5 Мамыр, 202512:50

Акимат Карагандинской области

Қарағанды облысының тілдерді дамыту басқармасы тегін тілдік курстарға өтінімдер қабылдайды. Өңірдің оқу орталықтарында ересектерге арналған оқытудың екінші кезеңі басталды, деп хабарлайды Қарағанды облысының әкімдігі.

Қазақ және ағылшын тілдерін оқытудың үш айлық курстарынан өтуге болады. Олар аяқталғаннан кейін емтихан өткізіліп, сертификат беріледі.

Өткен жылы облыстың 3500-ден астам ересек тұрғыны тілдік курстардан өтті.

Облыста алты оқу орталығы және сегіз тегін тілдік курс жұмыс істейді. Сондай-ақ, тұрғындарға ыңғайлы болу үшін сауда үйлерінде қазақ тілі кабинеттері қарастырылған. Мысалы, Қарағандыда Достық үйінде, "Каскад" СҮ, "Абзал" және тіл орталықтарында кабинеттер жұмыс істейді. Сондай-ақ, мемлекеттік мекемелерге және ірі кәсіпорындарға барып оқыту мүмкіндігі қарастырылған.

Тілдерді үйренгісі келетін қарағандылықтар курстарға мына нөмірлер бойынша жазыла алады: (8-7212) 51-38-00, +7-702-448-98-68, сондай – ақ WhatsApp - +7-776-847-32-21.